Mari Membaca~~

Ni i nak share karangan dlm loghat N9 dgn semua..ade sesape org n9,?sila angkat tgn!..hahahah..tah ape2 jer la tuan tanah nih meraban...takpela juz nak share dgn sape2 jerla yg sudi membaca.. ni kopipes jer dr my cousin yg semakin maju mengembangkan bdan opss...jgn mara mot..mengembangkan biznes katering abah beliau... nk promote blog beliau... klik sini
sape2 yg kt area n9 tuh bleh la cuba try test.. memg femes la katering nih kt area K.Pilah & Bahau.. =)

ok2...meh2 baca ape yg ado kek bawah nih.....tp kompom akn tgeliat punye lidah tuh..hahahaha..nukilan nih juz hasil cetusan rase beliau sendiri jer okeh..slmat membaca!!

Haghi nie haghi senayan. Tetibo den ghaso ghindu kek kelumpo. Kok sepelaung yo jaghak eh pilah mo kelumpo, den gagahkan juo bawak motokar den. Topi apo nak buek.. ado jaghak memisahkan kito..

Pueh la ke baghuh ke daghek mencarik kojo, tapi bolun ado joki kato orang. Kok ikut an hati nak kojo gomen. Kok dongar bunyik tengkaghap buruk piun, maun bekotuntang den ko laman kot2 ado sughat kojo. Balik2 yg sampai bil astro. Polak pulak den dibuek eh. Maghin kok dah takdo kojo bonar, orang tuo2 aghahkan anak2 mintak sojar. Den nak mintak sojar? Takkan ado la doh.. sok orang mencelinak lari eh, awak leko dek melopehkan hongap yo. Tak iyo eh pulak te kau eh..

Rutin harian skang nie hari2 duk ghumah jago anak buah, kimie. Lasak eh kemain. Tongahari kang boghi dio makan. Lauk eh cincai2 jo den buek. Nasi ghinco mo kicap cap kipeh udang tue. Maso nak boghi makan tue yang den gomar memotir. Mano tak eh, maso nak makan tue la dio nak teghojun tambam bagai. Mano tak bersemumeh muko. Dah den kelenset an baju eh pun habih yo. Ghaso nak sengkelet an yo budak nie, tapi mikirkan anak buah.. sobar yo lah. Belolah sanun, belolah sini, bilo dah bincut, bilo dah tekeneneng, baghu la nak ontok. Baghu bosar keluneh budak nie, tapi da pandai melawan. Habis muko den dicakar eh. Haha.

Potang kang omak abah dak kimie nie datang amik dio. Bilo datang tue, awak buekkan la air te o. selalu di komplen eh air te o den buek jalang. Banyak pulak cekadak eh. Awak pueh la bokocapuih nyiapkan minam potang, banyak lak bunyik eh.

Bilo malam kang, den nengok tibi. Kengkadang beghobut mo abah den. Tapi biaso eh den la monang sobab abah den tak ghoti cunet mano nak tokan kek remote astro tue. bilo mato da kepet, baghu la masuk tido. Camtue la lobih kurang rutin harian den.. osah la takdo hiburan eh kan.. tetibo ghaso hibo..

ha amacam? dah abeh baca nih paham ke x?hahahaha....sebenaunya i pon ado gak yg xpaham taw...huhuhuhu..